جسمك هو البيت اللي بتسكن فيه نفسك وروحك.. ونفسك هي البيت اللي بتسكن فيه مشاعرك وأفكارك ودوافع سلوكك.. وزي ما فيه لجسمك حُرمة.. فيه برضه لنفسك حُرمة.. بمعنى.. من حقك محدش يقرّب من حدودك النفسيّة بدون إستئذان.. من حقك ماحدش يقتحمك.. أو يخترقك.. أو يستحوذ عليك.. تحت أي مُسمّى.. ولا تحت أي ادعاء.. من حقك [...]
كل واحد فينا بيتولد وجواه احتياجات نفسية بسيطة جدًا.. احتياج إنك تتقبل.. إنك تتحب.. إنك يُهتَم بيك.. إنك تُحترم.. إنك تتشاف.. إنك تتحس.. إنك تتقدّر.. إنك تقول لأ.. وغيرها.. وبتكون الوظيفة الأساسية للأم والأب أثناء التربية هي تلبية الاحتياجات دي بشكل مُناسب وبقدر كافي.. علشان يحصل النمو النفسي السليم وتكتمل الصحة النفسية السوية.. لكن في [...]
(1) غالبًا المشهد ده من مسلسل (تحت السيطرة- رمضان 2015) هايفضل متخزن في عيون وعقول وقلوب كل اللي شافوه وحتّى اللي سمعوا عنه لفترة طويلة جدًا.. (علي) رايح يشتري مخدرات من ديلر في قلب الصحراء مقابل إنه يبيع له الموبايل.. يرجع (علي) للعربية ويقول لـ (هانيا): الموبايل معجبهوش.. خديه وجربي إنتي.. تنزل (هانيا) من العربية [...]
كام مرّة كان فيه بينك وبين مديرك أو رئيسك في الشغل حوار حاد واضطّريت تكتم الكلام جواك؟ إمتى آخر مرة كان فيه جواك مشاعر غضب ناحية حد وما عبرتش عنها؟ طيب فاكر لمّا كلامك اتخنق في صدرك وانت واقف قدام أول واحدة حَبيتها وهي بتقولك آسفة ما ينفعش.. ارجع لورا شوية.. كام كلمة اتحشرت في [...]
المشهد الأول: في عيادة الطبيب النفسي انت ليه دايمًا زهقان ومتضايق مني يا دكتور؟ إيه ده؟ مين اللي قال كده. بالعكس. أنا مرحب جدًا.. ده شغلي.. بس انت مش بترد على تليفوناتى، ومش بترضى تديني ولا دقيقة واحدة زيادة بعد انتهاء مدة الجلسة.. آه علشان دى قواعد العلاج.. وكل ما تشوفني تعبيرات وشك بتتغير، وتكشر، [...]
كل واحد فينا عايش في عالمين متوازيين.. عالم خارجي وعالم داخلي.. العالم الخارجي هو العالم اللي انت واعي بيه.. بتشوف وبتسمع وبتحس.. ناس وأصوات وأحداث وأماكن وأزمنة.. العالم الداخلي بقى ده حكايته حكاية.. تصوّر إن جوّاك نسخة من كل حد انت على علاقة بيه في حياتك.. نسخة حيّة ليها صوت وصورة..وبينك وبينها مشاعر حب أو [...]
(1) (ديفيد) شابٌّ سياسي لامع.. ناجحٌ وطموحٌ.. طموحه مالهوش حدود.. رشَّح نفسه لانتخابات الكونجرس.. لكن مُنافسه لعب معاه لعبة قذرة تسببت في سقوطه بالانتخابات.. يوم مُؤتمر (ديفيد) الصحفي لإعلان الهزيمة كان نقطة تحول في حياته.. لأنه قابلها.. قابل (إليس).. فتاة جميلة بس متهورة، رقيقة بس غريبة.. قريبة بس مش سهلة.. تبدو مجنونة.. لكنها في مُنتهى [...]
أعتقد أن إعلان الأسامي (بتاع إحدى شركات المياه الغازية) هو أكتر إعلان نجح وانتشر بين المصريين في رمضان 2014.. الشركة دي كتبت آلاف بل ملايين الأسامي بشكل عشوائي على عبوات منتجاتها.. حد عارف ليه الفكرة دي حققت كل النجاح ده؟ أنا أقولكم ليه.. فيه احتياج عام عند البشر جميعًا اسمه (الحاجة إلى الشوفان) Need to [...]
العنوان يخض.. مش كده؟ طبعًا أول صورة جت في ذهنك أول ما قريت العنوان ده.. هي صورة واحد مُدمن مخدرات قاعد في أوضة لوحده أو في وسط شلّة من أصحابه وبيضرب مخدرات.. أحب أقولك لا يا صديقي.. الإدمان مش بس إدمان مخدرات.. إدمان المخدرات هو بس أوضح أنواع الإدمان وأشهرها.. لكنه مش أخطرها ولا أكثرها [...]
ستووووب.. وقف فورًا كل حاجة بتعملها.. أيوه دلوقت.. عاوز كل تركيزك.. معايا؟ تمام.. طيب.. اختار ياللا أهم علاقة في حياتك.. أهم علاقة.. علاقتك مع مراتك؟ علاقتك مع جوزك؟ علاقتك مع أبوك أو أمك؟ علاقتك مع أولادك؟ علاقتك مع صاحبك؟ علاقتك مع حبيبتك؟ رئيسك في الشغل؟ زميلك في الجامعة؟ اختار ياللا.. اخترت؟ كويس جدًّا.. جاوب بقى [...]