أنا بعشق البحر
حكايتنا مع الماية حكاية غريبة جدًّا.. أول علاقة لينا مع الماية كانت في الرحم.. لما كان كل واحد فينا غرقان في السائل الأمنيوسي وعامل زي السمكة اللي عايشة في البحر.. حالة جميلة من المتعة والهدوء والدفا.. الأكل والشرب بيوصل لغاية عندك.. حي الأكسجين مش بتبذل أي مجهود علشان تحصل عليه.. قمة الأمان والاطمئنان والرفاهية.. ملك […]
الحزن الأزرق الدافى
باتخض جدًّا لما أشوف كتاب عنوانه: “كيف تتخلص من أحزانك؟”.. أو: “لا تقلق”.. باتخض أكتر لما ألاقي حد عمّال يطبطب على حد بشكل مبالغ فيه، أو يخفف عنه بطريقة سطحية مليانة اختزال لمشاعره بكلام من نوعية: “ما تزعلش يا راجل”.. “اضحكي بس كده”.. “خليك فرحان على طول”.. يعني إيه ما تزعلش أو ما تحزنش أو […]
قبول الموت.. حياة
(1) طبيعي جدًّا يكون جوانا غريزة للحياة.. دافع للبقاء.. حاجة بتحرك كل واحد فينا للاستمرار في الدنيا.. غريزة الحياة دي بتعبر عن نفسها بطرق كتير جدًّا.. منها الجوع.. اللي بيدفعك إنك تاكل علشان تمد جسمك بشوية طاقة كل كام ساعة، والعطش.. اللي بيخليك تروي خلاياك بوقود الحياة طول الوقت، والجنس.. اللي بيمنحك متعة جسدية ونفسية […]
ثقوب نفسية
فيه جوه كتير مننا حتة فاضية.. حلقة داخلية مفرغة.. بنحاول نملاها بحاجات كتير وبطرق مختلفة.. بس بدون فايدة.. حد بيحاول يملاها بنجاحات مدوية وخارقة ومبهرة.. حد بيحاول يملاها بشهرة ونظرات إعجاب في عيون الناس.. حد يحاول يملاها بنهم وشره غير مبرر للفلوس أو للنفوذ أو للأضواء أو للبس أو حتى للأكل.. حد يحاول بالدخول في […]
الصندوق
كتير جدًّا مننا عايشين حياتهم جوه صندوق.. صندوق صغير مصنوع من طريقة معينة في التفكير، طريقة معينة في الشعور، طريقة معينة في التصرف والتعامل مع الآخرين.. فرضيات معينة عن الدنيا والعالم والناس.. ردود فعل جاهزة على المواقف المختلفة.. وساعات نمط ثابت من المشاعر المتكررة على مدار الوقت. بعض الصناديق دي بتكون مرضية.. واللي عايش جواها […]
ماتصدقش كل حاجة انت مصدقها
فيه واحد اسمه (سولومون آش) عمل تجربة مهمة جدًّا في تاريخ العلم سنة 1951.. ( آش) جاب عدد من الناس وحطهم كلهم في اختبار معين وكان متفق معاهم كلهم ما عدا واحد على الإجابة اللي هايقولوها. كرَّر (آش) التجربة دي 18 مرة، وكان اتفاقه مع الممثلين إنهم يقولوا الإجابة الصحيحة في أول مرتين فقط، وبعد […]
الكاريير شيفت
عشت في إنجلترا سنتين لما كنت بحضر الدكتوراه في الطب النفسي.. فوجئت بعد شوية إن أحد المشرفين عليّا كان بيشتغل عازف جيتار بعد الضهر.. طبعًا وقتها كنت- ما شاء الله- متحلي بالعقلية المجتمعية الشرقية العظيمة.. والراجل نزل من نظري، واكتأبت، وبقيت ببصله من فوق لتحت، وكانت حالتي حالة.. فكرة إن حد يشوف إنه مش بيحب […]
انت مين ؟
حضرتك بتشتغل إيه؟ دكتور طيب اقلع..! أقلع إيه بالظبط؟ اقلع وظيفتك! إزاي يعني؟ يعني تخيّل إنك نمت وصحيت لقيت نفسك في إجازة قسرية من مهنة الطب.. أو إنك استقلت منها.. أو حصل مشكلة في مكان شغلك واترفدت.. إيه اللي هايفضل منك؟ وحضرتك؟ طالب في كلية آداب طيب اقلع..! أقلع إيه أنا كمان؟ تصور إنك فجأة […]
الصورة الكاملة
(1) من أحد مشاهد مسلسل (سقوط حر- رمضان 2016): – الطبيب النفسي: إيه اللي كان ممكن يسعدك؟ – والدة المريضة: حاجات عادية.. بيت.. عيال.. زوج.. – الطبيب النفسي: طيب مانتي كان عندك بيت وعيال وزوج! – والدة المريضة: بس كان عندي حاجة تخليك ما تشوفش معاها أي حاجة تانية.. – اللي هيه إيه؟ – الخوف.. […]
جهاد الجينات
كتب الطب بتقول إن المرض النفسي علشان يحصل عند حد بيكون فيه ثلاث حاجات مهمة (على الأقل).. الأولى هي استعداده الوراثي والجيني، والتانية هي طريقة تربيته ومعاملة أهله ليه في طفولته، والتالتة هي تعرضه لظرف نفسي أقوى من قدرته على المقاومة والتحمل.. التلات حاجات دول بيؤدوا لاختلال كيميائي ببعض مناطق المخ.. وظهور الأعراض النفسية.. بس […]