عزيزتى..
– انتى قدام ربنا والشرع والقانون انسانة بالغة عاقلة راشدة مكلفة.
– مش من حق حد يمنعك من الخروج أو الشغل أو السفر.
– بر الوالدين مش معناه سلب إرادة الأبناء ودهس حياتهم وتضييق اختياراتهم.
– انتى مسئولة عن نفسك وأفعالك وقرارتك أمام الله وأمام نفسك.
– بعد الجواز ده قصة تانى خالص.. اسألى المتجوزين عليها.
– إنى أكون نفسي ده مش عقوق للوالدين.
– أن تكون ليا خصوصيتى ده مش عقوق للوالدين.
– أن تكون ليا اختياراتى المختلفة عن اختيارتهم فى الحياة ده مش عقوق للوالدين.
مع كل الاحترام والأدب وحسن المعاملة وحسن الطلب وحسن الاعتراض طبعاً..
كفاية نعامل أولادنا على إنهم ملكية خاصة..
كفاية نزرع فيهم الاعتمادية وقلة الثقة والشك فى أنفسهم..
بلاش تسجنوهم فى السجن اللى سجنتم أنفسكم فيه..
33 سنة.. ومش عارفة تنزل مع أصحابها أو تروح ندوة أو معرض..
39 سنة وخايفة تكون متمردة..
37 سنة وأختها الصغيرة بتحرسها..
لا حول ولا قوة إلا بالله..
د. محمد طه