عاوز تعرف عن علاقة واحد بنفسه.. شوف اختياراته فى العلاقات..
عاوز تعرف عن علاقة واحدة بنفسها.. شوف هى بتحب مين؟ بتقرب من مين؟ بتكمل مع مين؟
اختياراتنا، خاصة اللى بنكمل فيها أو اللى بنكررها -فى رأيي- هى أصدق دليل على علاقتنا بنفسنا.. وهى أدق مؤشر على مدى نضجنا.. وهى أبرز مثال على درجة وعينا أو تغيرنا النفسي..
بيبقى ناجح جداً.. وذكى جداً.. وشاطر ومبدع جداً.. ويختار يرتبط بأصعب فتاة على وجه الأرض.. تطلّع عينه وتكفّر سيئاته.. ومش بس كده.. ده بيختار انه يكمل معاها بالرغم من شكواه المستمرة منها كل يوم.. وبالرغم من إنه يقدر يقطع العلاقة دى فوراً..
بتبقى طيبة وحنينة ولطيفة جداً.. وتختار -من بين مية واحد- أسوأهم وأصعبهم وأكثرهم نرجسية.. يهينها ويبهدلها ويؤذيها.. وتختار برضه إنها تكمل معاه بالرغم من شكواها المستمرة منه كل يوم.. وبالرغم برضه من إنها تقدر تقطع العلاقة دى فوراً..
ولا ده بيحب نفسه.. ولا دى بتحب نفسها..
اللى يحب نفسه مايقبلش ليها الأذى.. اللى يحبها بجد يحترمها يكف عنها الإهانة والتقليل من شأنها.. اللى يحب نفسها يقدرها ويكرمها ويزكيها ويعلى من شأنها..
اللى يحب نفسه يعاملها على إنها تستاهل.. ومايقبلش ان أى حد يعاملها على إنها ماتستاهلش..
عارف ان فيه حالات وحسابات ومواقف صعبة ومستحيلة.. لكنى باتكلم عن المبدأ الأساسي والقاعدة العامة..
تقعد مع ناس تسمع منهم أحلى كلام.. لكن اختياراتهم تقول إنهم بيكرهوا نفسهم..
تشوف ناس منورين وبيلمعوا.. انما علاقاتهم تقول انهم بينتقموا من نفسهم شر انتقام..
تلاقى ناس حضرت كورسات.. وخلصت ورش عمل.. وخاضت جلسات علاج نفسي.. انما يسقط كل هذا ويعلن فشله.. عند أول احتكاك حقيقي مع الحياة والناس.. ومع أول اختبار واقعى فى الحب والارتباط..
عاوز تعرف علاقتك بنفسك؟
شوف انت اخترت إيه.. ومكمل فى إيه..
أو ماختارتش إيه.. وماكملتش فى إيه..
عاوز تعرف عن علاقة واحدة بنفسها.. شوف هى بتحب مين؟ بتقرب من مين؟ بتكمل مع مين؟
اختياراتنا، خاصة اللى بنكمل فيها أو اللى بنكررها -فى رأيي- هى أصدق دليل على علاقتنا بنفسنا.. وهى أدق مؤشر على مدى نضجنا.. وهى أبرز مثال على درجة وعينا أو تغيرنا النفسي..
بيبقى ناجح جداً.. وذكى جداً.. وشاطر ومبدع جداً.. ويختار يرتبط بأصعب فتاة على وجه الأرض.. تطلّع عينه وتكفّر سيئاته.. ومش بس كده.. ده بيختار انه يكمل معاها بالرغم من شكواه المستمرة منها كل يوم.. وبالرغم من إنه يقدر يقطع العلاقة دى فوراً..
بتبقى طيبة وحنينة ولطيفة جداً.. وتختار -من بين مية واحد- أسوأهم وأصعبهم وأكثرهم نرجسية.. يهينها ويبهدلها ويؤذيها.. وتختار برضه إنها تكمل معاه بالرغم من شكواها المستمرة منه كل يوم.. وبالرغم برضه من إنها تقدر تقطع العلاقة دى فوراً..
ولا ده بيحب نفسه.. ولا دى بتحب نفسها..
اللى يحب نفسه مايقبلش ليها الأذى.. اللى يحبها بجد يحترمها يكف عنها الإهانة والتقليل من شأنها.. اللى يحب نفسها يقدرها ويكرمها ويزكيها ويعلى من شأنها..
اللى يحب نفسه يعاملها على إنها تستاهل.. ومايقبلش ان أى حد يعاملها على إنها ماتستاهلش..
عارف ان فيه حالات وحسابات ومواقف صعبة ومستحيلة.. لكنى باتكلم عن المبدأ الأساسي والقاعدة العامة..
تقعد مع ناس تسمع منهم أحلى كلام.. لكن اختياراتهم تقول إنهم بيكرهوا نفسهم..
تشوف ناس منورين وبيلمعوا.. انما علاقاتهم تقول انهم بينتقموا من نفسهم شر انتقام..
تلاقى ناس حضرت كورسات.. وخلصت ورش عمل.. وخاضت جلسات علاج نفسي.. انما يسقط كل هذا ويعلن فشله.. عند أول احتكاك حقيقي مع الحياة والناس.. ومع أول اختبار واقعى فى الحب والارتباط..
عاوز تعرف علاقتك بنفسك؟
شوف انت اخترت إيه.. ومكمل فى إيه..
أو ماختارتش إيه.. وماكملتش فى إيه..
د. محمـد طـه
