– عمرو اديب: في المجتمع الغربي ومشاهير وانتا في حفلة مثلا وحد اجبرك تشرب كاس شمبانيا مثلا او واين، بتتغلب على ده ازاي مبتشربش واين ازاي مبتشربش شامبين؟
– محمد صلاح: معرفش يعني بحس ان عمري مثلا نِفسي ما راحت لاني انا اشرب حاجة، حقيقي يعني السؤال نفسه مبفكرش فيه كتير.
– عمرو اديب: بس اكيد بتتعرض لده!!
– محمد صلاح: بتعرض .. بس يعني ..
– عمرو اديب: تروح حفلة يعني .. مستر صلاح .. هاتوله احسن شامبين في المحل ..
– محمد صلاح: الناس هنا مبيضغطوش حد انه يعمل حاجة، بس انا في الاخر بحس انه عمر ما حد ضغطني ان انا لازم اشرب كذا، لا، ونِفسي نفسها، نِفسي، مش عايز اشرب مش عايز اجرب يعني.
– عمرو اديب: فا قدرت تتغلب على هذه المسألة في السنين دي كلها لانها بتبقا ضغط كبير.
– محمد صلاح: يعني بحس انها بالنسبالي مش حاجة كبيرة يعني ان انا اعملها.
***
التعليقات:
– تستحق انك تبقى ال100 مش السابع بس
– يعنى مش علشان محرمة بنص صريح؟
– تؤتؤ نفسي مبترحلهاش
– محمد صلاح (علامة غلط).. محمد أبوتريكة (علامة صح)
– طب افرض نفسك هفتك على كاس يا فخر العرب؟
– يا عم قول حرام
– مكسوف تقول حرام يا منافق
– تخيل ده كان بيتحط مع تريكة فى جملة
– بيشرب مكس قشطة على قصب من عند عصائر الانفيلد
– الحمدلله الذى لم يقذف فى قلبى حب محمد صلاح
– فاكر لما كنت بتتصور بالمصحف فى ايدك يا ابوصلاح؟
– هو ايه اللى نفسي مبترحلوش.. هو طبق كشرى؟
– صلاح ركز فى الملعب وماتفتحش بؤك تانى.
– مينتاليتى مينتاليتى يعنى مافيش هزار.
– أبوتريكة لن يتكرر.
– مقالش حرام علشان مايزعلش الكفار.
– بقيت بتزوق الكلام يا فخر العرب.
– ناقص يكتبولك الكلام اللى بتقوله.
– بكرة محمد صلاح يغير جنسيته.
– صلاح رغم كل متاع الدنيا اللى ربنا عز وجل مديهوله خايف يقول مابشربش الخمور علشان دينى محرمها.
– يعنى (….أمك) على (….أم) لقب فخر العرب اللى واخده.. احنا اللى عملنالك سعر.
وغيرها الاف..
***
من أشهر الأوصاف اللى بيتوصف بيها الأِشخاص المصابين باضطراب الشخصية النرجسية:
– شايف نفسه هو بس اللى صح يا دكتور..
– مصدق إنه أكتر واحد بيعرف وبيفهم واحنا كلنا لأ..
– متأكد إنه أحسن واحد فى الدنيا.. انه ماحصلش.. انه مافيش زيه..
– مش بيقبل أي نقد، ولو انتقدته يثور ويتجنن ويبقى عنيف جداً في الدفاع عن الأنا المنتفخة بتاعته..
– بعد ما يطلع بيا السما ويحسسنى أحاسيس ماكنتش متصورة إنها موجودة أصلاً، يهينى ويشتمنى ويقلل منى ويحسسنى إنى ماليش لازمة..
– يحب يفرض رأيه و”هو كده وبس”..
– بص يا دكتور.. هو بيحب الكونترول والسيطرة والتحكم بكل الطرق.. من اول التهديد لغاية البكاء والمذلة عند اللزوم..
– لو حد قاله (لأ) يقلب عليه الترابيزة في ثانية ويطلعه هو الغلطان..
– شايف غيره أقل منه وشايف نفسه أحسن من اللى حواليه كلهم..
– فاكر مرة واحدة كانت بتوصف إن جوزها لما كان بيطلب منها تعتذرله (على حاجة هو بس اللى شايفها غلط)، كان بيخليها تعتذر بصيغة خاصة وكلمات معينة.. ويخليها تعيد الكلام والصياغة لغاية ما تقول اللى على مزاجه.. واللى هو عاوزه.. بالظبط..
هل النرجسية موجودة في الأفراد فقط؟ لأ..
هل هي مرض يصيب الأشخاص بس؟ لأ
هل هي منتشرة وموجودة حوالينا كتير؟ آه.. جداً..
النرجسية مرض ممكن يصيب بعض المجتمعات..
وسمة قد تتسم بيها بعض الثقافات..
اللى مايشوفش اللى احنا شايفينه كمجموعة من الناس -زى ما احنا شايفينه- يبقى غلط.. اللى مايقولش اللى احنا عاوزينه كمجموعة من البشر -وبالطريقة اللى احنا عايزينها- يبقى منافق.. اللى مايعملش اللى احنا بنعمله كتجمع انسانى فى مكان ما على وجه الأرض -وبالطريقة اللى احنا بنعمله بيها- يبقى مجرم..
إحنا وبس.. اللى نشوفه إحنا وبس.. اللى نقوله إحنا وبس.. اللى نعرفه إحنا وبس.. إحنا بس.. أنا بس.. أنا.. أنا.. أنا..
أنا مركز العالم.. والعالم كله لازم يلف حواليا.. ويسير فى نفس اتجاهى..
الأمر وصل لإن دار الإفتاء المصرية تطلع بيان توضح فيه: “عدم التفكير فى إتيان الأشياء المحرمة عبادة فى حد ذاته”.. يعنى يا جماعة الراجل ماكفرش.. كونه مش بيشرب ومش عاوز يشرب ومش بيحب يشرب ومش بيفكر أصلاً إنه يشرب.. ده فى حد ذاته عبادة والله..
عيون متحفزة.. وآذان منتصبة..
أنياب جاهزة ومسنونة.. طوال الوقت..
عقل يسير في اتجاه واحد.. لا رجوع منه..
ماعتقدش إن فيه حاجة مرعبة أكتر من كده..
#محمد_طه
* تحديث: من بعض التعليقات على هذا البوست:
– انت دكتور نفسي محتاج دكتور نفسي
– انت judgmental
– انت نرجسى لانك بتفترض ان اللى قالوا (رأيهم) انهم نرجسيين.. (رأيهم.. مش شتيمة واهانة وتعالى وتشكيك فى النوايا).
– انت معلقتش على تصرف ابو تريكة ليه؟ علشان اتكلم فى الدين؟
– وانت شايف نفسك صح ليه؟
– ماتخليك فى حالك.
– كلامك خرب بيوت كتير.
– بوست نرجسي لشخص نرجسي شايف ان الناس اللى (اختلفت) مع صلاح نرجسيين.. (اختلفوا.. مش هاجموا وسبّوا واحتقروا)..
– ده تاجر مش دكتور.
– محمد صلاح: معرفش يعني بحس ان عمري مثلا نِفسي ما راحت لاني انا اشرب حاجة، حقيقي يعني السؤال نفسه مبفكرش فيه كتير.
– عمرو اديب: بس اكيد بتتعرض لده!!
– محمد صلاح: بتعرض .. بس يعني ..
– عمرو اديب: تروح حفلة يعني .. مستر صلاح .. هاتوله احسن شامبين في المحل ..
– محمد صلاح: الناس هنا مبيضغطوش حد انه يعمل حاجة، بس انا في الاخر بحس انه عمر ما حد ضغطني ان انا لازم اشرب كذا، لا، ونِفسي نفسها، نِفسي، مش عايز اشرب مش عايز اجرب يعني.
– عمرو اديب: فا قدرت تتغلب على هذه المسألة في السنين دي كلها لانها بتبقا ضغط كبير.
– محمد صلاح: يعني بحس انها بالنسبالي مش حاجة كبيرة يعني ان انا اعملها.
***
التعليقات:
– تستحق انك تبقى ال100 مش السابع بس
– يعنى مش علشان محرمة بنص صريح؟
– تؤتؤ نفسي مبترحلهاش
– محمد صلاح (علامة غلط).. محمد أبوتريكة (علامة صح)
– طب افرض نفسك هفتك على كاس يا فخر العرب؟
– يا عم قول حرام
– مكسوف تقول حرام يا منافق
– تخيل ده كان بيتحط مع تريكة فى جملة
– بيشرب مكس قشطة على قصب من عند عصائر الانفيلد
– الحمدلله الذى لم يقذف فى قلبى حب محمد صلاح
– فاكر لما كنت بتتصور بالمصحف فى ايدك يا ابوصلاح؟
– هو ايه اللى نفسي مبترحلوش.. هو طبق كشرى؟
– صلاح ركز فى الملعب وماتفتحش بؤك تانى.
– مينتاليتى مينتاليتى يعنى مافيش هزار.
– أبوتريكة لن يتكرر.
– مقالش حرام علشان مايزعلش الكفار.
– بقيت بتزوق الكلام يا فخر العرب.
– ناقص يكتبولك الكلام اللى بتقوله.
– بكرة محمد صلاح يغير جنسيته.
– صلاح رغم كل متاع الدنيا اللى ربنا عز وجل مديهوله خايف يقول مابشربش الخمور علشان دينى محرمها.
– يعنى (….أمك) على (….أم) لقب فخر العرب اللى واخده.. احنا اللى عملنالك سعر.
وغيرها الاف..
***
من أشهر الأوصاف اللى بيتوصف بيها الأِشخاص المصابين باضطراب الشخصية النرجسية:
– شايف نفسه هو بس اللى صح يا دكتور..
– مصدق إنه أكتر واحد بيعرف وبيفهم واحنا كلنا لأ..
– متأكد إنه أحسن واحد فى الدنيا.. انه ماحصلش.. انه مافيش زيه..
– مش بيقبل أي نقد، ولو انتقدته يثور ويتجنن ويبقى عنيف جداً في الدفاع عن الأنا المنتفخة بتاعته..
– بعد ما يطلع بيا السما ويحسسنى أحاسيس ماكنتش متصورة إنها موجودة أصلاً، يهينى ويشتمنى ويقلل منى ويحسسنى إنى ماليش لازمة..
– يحب يفرض رأيه و”هو كده وبس”..
– بص يا دكتور.. هو بيحب الكونترول والسيطرة والتحكم بكل الطرق.. من اول التهديد لغاية البكاء والمذلة عند اللزوم..
– لو حد قاله (لأ) يقلب عليه الترابيزة في ثانية ويطلعه هو الغلطان..
– شايف غيره أقل منه وشايف نفسه أحسن من اللى حواليه كلهم..
– فاكر مرة واحدة كانت بتوصف إن جوزها لما كان بيطلب منها تعتذرله (على حاجة هو بس اللى شايفها غلط)، كان بيخليها تعتذر بصيغة خاصة وكلمات معينة.. ويخليها تعيد الكلام والصياغة لغاية ما تقول اللى على مزاجه.. واللى هو عاوزه.. بالظبط..
هل النرجسية موجودة في الأفراد فقط؟ لأ..
هل هي مرض يصيب الأشخاص بس؟ لأ
هل هي منتشرة وموجودة حوالينا كتير؟ آه.. جداً..
النرجسية مرض ممكن يصيب بعض المجتمعات..
وسمة قد تتسم بيها بعض الثقافات..
اللى مايشوفش اللى احنا شايفينه كمجموعة من الناس -زى ما احنا شايفينه- يبقى غلط.. اللى مايقولش اللى احنا عاوزينه كمجموعة من البشر -وبالطريقة اللى احنا عايزينها- يبقى منافق.. اللى مايعملش اللى احنا بنعمله كتجمع انسانى فى مكان ما على وجه الأرض -وبالطريقة اللى احنا بنعمله بيها- يبقى مجرم..
إحنا وبس.. اللى نشوفه إحنا وبس.. اللى نقوله إحنا وبس.. اللى نعرفه إحنا وبس.. إحنا بس.. أنا بس.. أنا.. أنا.. أنا..
أنا مركز العالم.. والعالم كله لازم يلف حواليا.. ويسير فى نفس اتجاهى..
الأمر وصل لإن دار الإفتاء المصرية تطلع بيان توضح فيه: “عدم التفكير فى إتيان الأشياء المحرمة عبادة فى حد ذاته”.. يعنى يا جماعة الراجل ماكفرش.. كونه مش بيشرب ومش عاوز يشرب ومش بيحب يشرب ومش بيفكر أصلاً إنه يشرب.. ده فى حد ذاته عبادة والله..
عيون متحفزة.. وآذان منتصبة..
أنياب جاهزة ومسنونة.. طوال الوقت..
عقل يسير في اتجاه واحد.. لا رجوع منه..
ماعتقدش إن فيه حاجة مرعبة أكتر من كده..
#محمد_طه
* تحديث: من بعض التعليقات على هذا البوست:
– انت دكتور نفسي محتاج دكتور نفسي
– انت judgmental
– انت نرجسى لانك بتفترض ان اللى قالوا (رأيهم) انهم نرجسيين.. (رأيهم.. مش شتيمة واهانة وتعالى وتشكيك فى النوايا).
– انت معلقتش على تصرف ابو تريكة ليه؟ علشان اتكلم فى الدين؟
– وانت شايف نفسك صح ليه؟
– ماتخليك فى حالك.
– كلامك خرب بيوت كتير.
– بوست نرجسي لشخص نرجسي شايف ان الناس اللى (اختلفت) مع صلاح نرجسيين.. (اختلفوا.. مش هاجموا وسبّوا واحتقروا)..
– ده تاجر مش دكتور.
د. محمـد طــه