فى دراسة حديثة بمجلة Personality and Individual Differences.. تم دراسة سمات الشخصية المرتبطة باستخدام وسائل التواصل الاجتماعى بشكل دعائي شخصي (الناس اللى بتعمل كل حاجة وأى حاجة علشان يوصلوا لعدد كبير جداً من المتابعين: الفانز والفلولورز والريتش واللايكات والشير بأعداد رهيبة)..
الدراسة وجدت الآتى:
– الأشخاص ذوو درجة عالية من الأنانية- اللاأخلاقية (self centered antagonism)، النرجسية العصابية (neurotic narcissim)، الآراء الميكافيلية- الغاية تبرر الوسيلة (Machiavellian views)- التلاعب (Manipulation)، عدم الردع (Disinhibition)- الفظاظة (meaneness)، السادية (Sadism) بيستخدموا انستاجرام لفترات أطول، ولعدد مرات أكثر..
– الأشخاص المتصفين بالسادية اللفظية Verbal Sadism، والانفعالية Emotionality، يستخدمون فيسبوك بشكل أطول من الأشخاص المتصفين بالأمانة، والتواضع، والضمير.
– الأشخاص المتصفين بالتلاعب الدعائي- الدعاية الشخصية بشكل متلاعب Manipulative self promotion، وبالسادية غير المباشرة Indirect sadism، بيستخدموا فيسبوك لفترات أطول، ولعدد مرات أكثر.
الدراسة اتعملت على سيدات ورجال.. ونسبة السيدات كانت أكثر فى النتائج دى..
المفاجأة إيه بقى؟
المفاجئة ان كل اللى فوق دول موجودين فى المجتمع بنسبة لا تتجاوز ٣%.. لكنهم وزى مانتوا شايفين وعارفين وجودهم على السوشيال ميديا عامل ازاى.. فيسبوك وانستاجرام وتويتر ويوتيوب وغيره..
وانهم – زى ما بيقول أحد المعلقين على الدراسة- مش بس بيبثوا سمومهم وأفكارهم وتعليقاتهم وآراءهم بين الناس.. ومش بس أصبحوا انفلونسرز ويوتيوبرز وكل الأسامى دى.. لا.. دول كمان بيجمعوا الكثير من المال عن طريق خصائص الmonetization- الأرباح، اللى بيجنوها من المشاهدات والمشاركات والانتشار..
العالم اللى فى الشارع.. غير العالم بتاع السوشيال ميديا خالص..
الصور البراقة اللامعة ممكن يكون أصحابها هشيين وخَربيِن من الداخل..
التعليقات اللى ممكن تكون مليانة عنف وشتيمة وتنمر وسخرية، لا تعبر غير عن أصحابها.. وهم -رغم كثافتهم على السوشيال ميديا- فى الواقع قليلون جداً، وجبناء للغاية..
طبعاً ده لا يعنى أى تعميم على الإطلاق.. السوشيال ميديا فيها طبعاً ناس كتير محترمة وحقيقية وملهمة.. والدراسة برضه قالت كده..
لو كل حاجة بتقراها أو بتشوفها فى هذا العالم الافتراضى، ما عدتش على فلتر عقلك، وسألت نفسك مين؟ وازاى؟ وليه؟.. فمش بس طول الوقت هاتخضع لمن تعلم ومن لا تعلم من influencers..
لا..
انت كمان هاتفضل طول الوقت influenced..
